Maktab o‘quvchilarning moliyaviy savodxonligini oshirishga qaratilgan keng ko‘lamli chora-tadbirlar doirasida hamda kadrlar tayyorlash maqsadida Markaziy bank tomonidan O‘zbekiston Respublikasining pedagogik yo‘nalishidagi barcha oliy o‘quv yurtlarida bo‘lib o‘tadigan “Pedagogik yo‘nalishdagi oliy o‘quv yurtlari talabalari uchun zamonaviy yangi ko‘nikmalar” o‘quv loyihasi ishlab chiqildi.
Ushbu loyiha talabalarning o‘quv, ilmiy-tadqiqot faoliyatini rag‘batlantirish maqsadida moliyaviy savodxonlik sohasida yangi bilim va kompetensiyalarni shakllantirishga qaratilgan.
Amalga oshirish mexanizmi doirasida talabalar uchun o‘quv treninglari hamda moliyaviy va raqamli moliyaviy savodxonlik sohasidagi bilim va ko‘nikmalarini rivojlantirishga qaratilgan eng yaxshi uslubiy ishlanmalar tanlovi o‘tkazilishi rejalashtirilgan.
Qo‘shimcha ma'lumot olish uchun (71) 212-73-58 raqami orqali murojaat qilishingiz mumkin
Finlit.uz bilan moliyaviy savodxonlikni oshirish!
