“Maktablarda moliyaviy savodxonlik oyligi” o‘quv loyihasini amalga oshirish doirasida Markaziy bankning Namangan viloyati bosh boshqarmasi tomonidan Namangan muhandislik-qurilish instituti va Xalq ta'limi vazirligi viloyat boshqarmasi, “Xalq banki” ATB, “Hamkorbank” ATB, “Trastbank” XAB va “Kapitalbank” ATB bilan hamkorlikda 18 ta umumta'lim maktablarining 5-11-sinf o‘qituvchilari uchun amaliy trening o‘tkazildi.
Belgilangan vazifalarga muvofiq o‘qituvchilar o‘z maktablarida mustaqil ravishda moliyaviy savodxonlik darslarini o‘tkazishlari va “Nima uchun banklarda jamg‘armalarni saqlash xavfsiz va foydali?” mavzusida videoroliklarini yuborib tanlovda qatnashishlari mumkin.
O‘z navbatida, Sirdaryo va Jizzax viloyatlarida “Asakabank” AK, Qashqadaryo viloyatida “Ipak yo‘li” AITB, Toshkent viloyatida “Ipoteka-bank” ATIB, Navoiy viloyatida “O‘zsanoatqurilishbank” ATB tomonidan o‘qituvchilar uchun shu kabi treninglar va boshlang‘ich sinf o‘quvchilari uchun moliyaviy savodxonlik bo‘yicha jamg‘arma, bank kartalari va moliyaviy xavfsizlikning asosiy qoidalariga bag‘ishlangan ochiq darslar o‘tkazildi.
Sizga ham qiziq bo’lishi mumkin:
Pedagogik yo‘nalishdagi oliy ta'lim muassasalarining 3-4-kurs talabalari uchun moliyaviy savodxonlikni rivojlantirish ta'lim loyihasi
Videoroliklar tanlovi natijalarini e'lon qilamiz Global Money Week 2023
Eng yaxshi dars ishlanmasi tanlovi natijalarini e'lon qilamiz Global Money Week 2023