Moliyaviy savodxonlik bo‘yicha interaktiv platforma ishga tushirildi

“Moliya olami” interaktiv ta'lim platformasi Markaziy bank tomonidan VISA to‘lov tashkiloti bilan hamkorlikda ishga tushirildi.

“Moliya olami”- bu aholi uchun interaktiv “edutainment” formatidagi onlayn o‘quv ta'lim loyihasi.

Platforma o‘quv tematik modullarining 4 ta bosqichidan o‘tishni nazarda tutadi:

1. «Bilimlar mamlakati» - kartalar va banklar haqida asosiy bilimlar
2. «Chiqimlar mamlakati» - mablag‘larni oqilona sarflash  
3. «Omonatlar mamlakati» - jamg‘armalar va sarmoyalar
4. «Biznes mamlakati» - biznes uchun maslahatlar va layfhaklar

Har bir ishtirokchi 4 ta bosqichdagi moduldan va test sinovlaridan muvaffaqiyatli o‘tgan taqdirda virtual diplomga ega bo‘ladi.

Shu bilan birga, ishtirokchilar platformada moliyaviy savodxonlik bo‘yicha o‘quv resurslaridan va bank kartalarini ochish uchun tijorat banklarining veb-saytlari havolalaridan foydalanishlari mumkin.